Pattstaða

Ég verð nú að segja að ég hef aldrei verið fylgjandi málþófi sem slíku. En nú er nauðsyn. Að mínu mati á þingið að vera að ræða um vandamál heimila og fyrirtækja og keyra í gegn lög sem aðstoða almenning í að vinna sig út úr þessari skelfilegu stöðu sem við erum komin í. Það er með ólíkindum að minnihlutastjórnin skuli láta Framsókn kúga sig á þennan hátt og koma í veg fyrir að aðsteðjandi mál séu rædd á þinginu. Það er öllum alveg ljóst að svona aðför að stjórnarskránni er engum til sóma og ætti að taka af dagskrá strax. Þessi mál þarf að gera á vandaðri hátt og af meiri yfirvegun og í sátt við alla aðila þingsins og þjóðarinnar.

 

Því segi ég að það á að taka þetta mál af dagskrá strax og byrja að vinna fyrir fólkið og fyrirtækin í landinu.

Rætt um fundastjórn þingsins í klukkustund

Kafli 2

Jæja þá er prófkjöri lokið og skemmtileg reynsla að baki. Eins og ég hef sagt þá hef ég ekki verið mikið virkur í flokksstarfi áður en nú verður breyting á. Í gær var ég kosin í varastjórn í Félagi sjálfstæðismanna í Nes og melahverfi og stefni á að leggja mitt af mörkum til að Sjálfstæðisstefnan verði leiðandi afl í íslenskum stjórnmálum eftir kosningar í vor. Á þeim tímum sem við lifum núna er mjög mikilvægt að sjálfstæðismenn standi saman og tryggjum að ekki verði hér vinstri stjórn eftir kosningar. Sjálfstæðisflokkurinn er að fara í gegnum mikið og þarft endurmat og línur lagðar fyrir framtíðina og greinileg kynslóðaskipti að fara fram í flokknum í heild sinni. Ég mun alla vega vinna þrotlaust að því að Sjálfstæðisstefnan nái að verða leiðarvísir okkar í náinni framtíð.

Þjóðin krefst endurnýjunar á Alþingi

Gylfi Þór Þórisson býður sig fram í 5-7 sæti í prófkjöri Sjálfstæðisflokksins í Reykjavík. 

Endurnýjun til endurreisnar. 

Ég get ekki betur séð en að stjórnmálaflokkar á Íslandi séu ekki með þjóðarpúlsinn á hreinu. Framundan eru sögulegar kosningar á Íslandi. Kosningar sem skera úr um hvort að þjóðin velur til endurreisnar stefnu sem byggir á einstaklingsframtaki og hvatningu landsmanna um að byggja upp nýtt Ísland með traust, virðingu og gott siðferði að leiðarljósi eða stefnu sem byggist á miðstýringu og auknum skattaþyngslum. 

Stjórnmálaflokkarnir hafa einstakt tækifæri á að axla ábyrgð á þeirri ófreskju sem þjóðfélagið er orðið. Tækifæri á að sýna þjóðinni að þeir séu tilbúnir að endurnýja á sýnilegan hátt framboðslista sína og bjóða fram frambærilegt fólk sem sýnir þverskurð af samfélaginu. Núna standa yfir forvöl og prófkjör hjá öllum flokkum. Samfylkingin í Reykjavík réð á vaðið og tilkynnti sínum flokksmönnum að efstu 3 sætin væru frátekin og að aðrir gætu síðan tekist á um önnur sæti, og að sjálfsögðu er engin endurnýjun þar á bæ. VG stendur fyrir forvali hjá félagsmönnum og fyrstu fréttir eru að sama fólkið raðast þar í efstu sæti, þó með undantekningum eins og í Reykjavíkurkjördæmi og óska ég þeim til hamingju með það. 

Sjálfstæðisflokkurinn stendur einnig í prófkjöri þessa dagana. Í Reykjavík bjóða sig fram 29 aðilar, þar af eru 8 sitjandi þingmenn og nokkrir ungliðar úr flokkstarfinu. Skýlaus krafa er um endurnýjun á lista Sjálfstæðisflokksins og það verður fróðlegt að sjá hvort kjósendur í prófkjöri hafi hugrekki til að brjóta upp gamlar hefðir og stilla upp nýjum lista sem státar bæði af reyndu fólki sem og nýjum aðilum. Það er mitt mat að ef framboðslisti Sjálfstæðisflokks í kosningunum í vor verði nánast samansettur af sama fólki og síðast þá verði róðurinn erfiður og klárt að flokkurinn er ekki að hlusta á þjóðarsálina.    

Ný stjórnmálaframboð gætu náð eyrum kjósenda ef núverandi flokkar hlusta ekki á kröfu almennings um endurnýjun. Stjórnmálaflokkar eru ekkert annað en fólkið sem kýs þá í kosningum, núna er tækifæri á að hlusta, læra og breyta. 

Þjóðin stendur frammi fyrir erfiðum tímum og ljóst er að erfiðar ákvarðanir eru framundan hjá Alþingi og ráðamönnum til að koma Íslandi af stað á ný. Gamla pólitíkin á ekki við á komandi árum, núna hefst endurreisn og þá verða stjórnmálamenn að hlusta á og skilja þjóðarpúlsinn hverju sinni og vinna saman þvert á flokkadrætti til að ná þeim markmiðum sem heillavænlegast er fyrir þjóðina.  

Ljóst er að ekki gengur að setja plástur á beinbrot, því verða margar ákvarðanir erfiðar og ákvarðanir sem koma hart niður á fyrirtæki og fjölskyldur í landinu. En við verðum að taka á vandanum núna strax til að geta hafið endurreisn.  Því er mikilvægt að við kjósum á þing fólk sem hefur raunverulega tengsl við atvinnulífið og fólkið. Stór hluti þingmanna í dag eru svokallaðir atvinnuþingmenn sem oft á tíðum hafa tapað tengslum við almenning. Þessu þarf að breyta núna.

Ég hvet kjósendur í forvölum og prófkjörum að sýna hugrekki og endurnýja á raunverulegan hátt framboðslista stjórnmálaflokka Íslands.

Námslán - frysta tekjutengda endurgreiðslu

Ég fékk ábendingu á frambjóðendafundi í Valhöll í gær er varðaði endurgreiðslu námslána og tillögur varðandi aðstoð til þeirra sem eru í fjárhagsvandræðum.

 

Það er nú einu sinni þannig að ungt fólk sem lokið hefur námi og er byrjað að greiða af námslánum sínum er í hópi þeirra sem hafa keypt sér húsnæði á síðustu árum, á þeim tíma sem húsnæðisverð var í hæstu hæðum og lánahlutfall allt að 100%. Í dag er þessi hópur í mjög slæmri stöðu, eignarstaða orðin neikvæð og lánin hækka og þá vinnur duglegt fólk bara meira ef það hefur tækifæri til. En endurgreiðsla námslána er tekjutengd svo þeir sem vinna meira til að ná endum saman þurfa þá að greiða meira af námslánum.

 

Ég er þeirra skoðunar að við verðum að horfa til þessa hóps með sértækar aðgerðir er varðar endurgreiðslu námslána, við megum ekki gleyma því að þessi hópur er hvað líklegastur til að flytja til útlanda ef ekkert er að gert. Mín tillaga er að tekjutengd endurgreiðsla á að vera fryst í a.m.k. 2 ár og einungis verði greidd fastagreiðsla einu sinni á ári. Með þessu erum við að koma til móts við þennan hóp fólks sem við verðum að treysta á að taki fullann þátt í þeirri endurreisn sem framundan er á Íslandi.

Börn og unglingar í kreppu - hvað er til ráða?

Ég vill benda á Fræðslufund á vegum Foreldrahúss sem verða á haldnir næstu miðvikudaga. Hér er tilkynning þeirra sem ég fékk á www.vimulaus.is

 

Fræðslufundir í Foreldrahúsi

Næstu miðvikudaga munu samtökin Vímulaus æska / Foreldrahús bjóða foreldrum til fræðslu- og kynningar um úrræði fyrir börn í vanda.  Þar verður foreldrum/ forráðamönnum barna einnig boðin fræðsla um tilfinningar og áhættuhegðun unglinga og hvernig aukið álag í fjölskyldum hefur áhrif á samskipti og líðan á heimilum.   Nú þegar fjölskyldur standa frammi fyrir miklum breytingum í lífi og starfi þarf sérstakalega að huga að líðan og velferð barnanna. Þegar vanda ber að höndum er m.a. mikilvægt að þekkja úrræði sem fjölskyldan getur leitað til sér til halds og trausts.     Fræðslufundirnir verða alla miðvikudaga kl. 16.30 – 18.00 í Foreldrahúsi, Borgartúni 6 í Reykjavík.   DAGSKRÁ

1. Fræðsla um áhættuhegðun unglinga (hegðunar og/eða áfengis og vímuefnavandi), samskipti á heimili (reglur, mörk, agi) vanlíðan barna (s.s. þunglyndi, kvíði).

2. Ráðgjöf um möguleg úrræði sem eru í boði (í Foreldrahúsi og/eða önnur úrræði).

3. Umræður - fyrirspurnum svarað undir leiðsögn sálfræðings.

  Leiðbeinandi: Hrafndís Tekla Pétursdóttir sálfræðingur

Ókeypis aðgangur

Rannsókn á efnahagsbrotum

Ég get ekki lýst hve ánægður ég er að Ísland hafi fengið Evu Joly til liðs við okkur í rannsókn á efnahagsbrotum sem tengjast hruni fjármálakerfisins. Eins og kemur fram í hennar fyrstu viðbrögðum þá virðist þetta mál hafa verið á brandarastigi hjá okkur. Kalli almennings um tafalausa rannsókn hefur nú verið svarað og ég legg til að Eva Joly fá óútfyllta ávísun og stýri þessari rannsókn í þann farveg sem þarf til að niðurstaða fáist.

 

Þjóðarsálin er örmagna af því að hafa ekki fengið réttlætiskennd sinni framfylgt. Núna verður vonandi breyting á. En við skulum samt hafa í huga að niðurstaða rannsóknar af þessu tagi kann að verða önnur en almenningur heldur, því það er ekki víst að lög hafi verið brotinn í öllum þeim tilvikum sem komið hafa fram. Því er mikilvægt að rannsóknin sé yfirgripsmikil og nákvæm þannig að allir geti sætt sig við niðurstöðuna á endanum.

Gagnrýnir fámenna rannsókn

Þvottavélin frelsaði konur

Já ég er ekki frá því að þetta heimilistæki sé þarft. Konunni minni þætti nú vænt um ef leiðbeiningar um hvaða þvottur má fara saman og á hvaða programi !!!!! Þarf ekki að finna upp þvottavél sem "les það sjálf" hverskonar þvottur er í henni.

Þvottavélin frelsaði konur

Rannsókn bankahruns

Í þættinum Silfur Egils í gær var mjög áhugavert viðtal við Evu Joly fyrrum yfirrannsóknardómara í Frakklandi.

 

Það hefur verið talað um seinagang í rannsókn bankahrunsins og að stjórnvöld og Alþingi séu að draga lappirnar í þeim efnum. Almenningur hefur sagt nákvæmlega þetta frá degi eitt að það eigi tafarlaust að hefja lögreglurannsókn og við höfum ekki þurft erlenda sérfræðinga til að segja okkur það. En það virðist að stjórnmálamenn séu bara ekki að hlusta á þjóðina og séu í raun orðnir svo samsoðnir þessu öllu að þeir skynja ekki hve alvarlegt málið er. Eins er með ólíkindum að ríkistjórnir eftir hrun geti ekki komið upplýsingum til þjóðarinnar, þó að það sé endalaust verið að segja okkur að það hafi verið ábótavant og nú eigi að bæta úr því. Kannski er komin visst sinnuleysi í atvinnuþingmenn okkar og að þeir geri sér hreinlega ekki grein fyrir því hvað almenningur er að segja og kalla eftir.

 

Íslendingar standa frammi fyrir sögulegu tækifæri til að byggja upp betra samfélag sem byggir á réttlæti og góðu siðferði. En til þess verðum við að hefja allsherjar rannsókn á bankahruninu og þeirri óreiðu sem þar virðist hafa viðgengist og nota til þess allar mögulegar aðferðir og kalla til helstu sérfræðinga á borð við Evu Joly.

Eva Joly ráðleggur ríkisstjórn

Stefnumál og helstu áherslur

Helstu áherslur endurreisnar  

Efnahagsmál.

Efnahagsástand þjóðarinnar er aðalástæða þess að gengið verður til Alþingiskosningar 25 apríl n.k. Ef ég hefði heildarlausn á mínu borði þá væri lífið einfaldara, en svo er því miður ekki, en hér að neðan eru mínar skoðanir og hugmyndir á því sem brýnt er.

 

Verkefni framtíðarinnar er að endurbyggja fjármálakerfið og eftirlitsstofnanir og mjög mikilvægt að það sé gert með þeim hætti að við lendum ekki í slíkum fjármála hörmungum aftur.

 

Okkur bíður einstakt tækifæri í að byggja upp svo til frá grunni viðskipta- og fjármálakerfi á Íslandi. Því tel ég að vanda verði til verka og tryggja að gegnsæi, réttlæti og siðferði verði okkar leiðarljós í þeirri ferð. Fjármála eftirlitsstofnanir og Seðlabanki framtíðarinnar verða að hafa styrk og verkferla sem gera það að verkum að aldrei aftur verði Íslenska þjóðin í þessari stöðu.

 

Einfalda þarf bankakerfið og stefna á að ríkið eigi aðeins kjölfestueign í einum sterkum banka í framtíðinni. Mikilvægt er að erlendir lánadrottnar komi að eignarhaldi í nýju bönkunum á einn eða annan hátt.

 

Ljóst er að hrun viðskiptalífs á Íslandi mun gera það að verkum að bankarnir koma til með að eignast mikið af fyrirtækjum, bæði stórum sem smáum. Því er mjög mikilvægt að meðferð og sala á eignum bankana í framtíðinni verði í öllum tilvikum gert fyrir opnum tjöldum og gegnsæ. Það á að vera okkar grunn krafa að vinavæðing og valdablokkir séu bannorð í þessu ferli. Það er ekkert mál að allir fái jafnan rétt til tækifæra framtíðarinnar, og þau eru og verða fjölmörg. Það er mín skoðun að ríki á ekki að standa í fyrirtækjarekstri, því á að stefna að því að koma fyrirtækjum aftur í hendur einstaklinga sem allra fyrst, en þar þarf að vanda til verka og tryggja dreifða eignaraðild og gegnsæi.

 

Mín markmið eru að fá tækifæri á að koma að þeirri vinnu sem framundan er innan sjálfstæðisflokksins í að vinna skammtíma og langtíma lausnir á þessum stóra vanda okkar allra. Í framhaldi stefni ég á að taka höndum saman með öllum Alþingismönnum komandi þings, bæði nýjum og ferskum og reyndari þingmönnum, og finna lausnir sem virka fyrir okkur á þessum erfiðu tímum. Ég er sannfærður að sameinuð stöndum við en sundruð föllum. Íslenska þjóðin er búin að fá sig fullsadda af endalausu þrefi um allt sem EKKI skiptir máli.

Evrópusambandið.

Ég segi að eins og staðan er í dag þá sé okkur betur borgið utan ESB. En er hlynntur því að kanna alvarlega möguleika okkar á aðild og upptöku evru í framhaldi. En ég er samt með ýmsa fyrirvara á þessari skoðun minni, t.d. er það skilyrði af minni hálfu að auðlindir Íslands séu ávalt undir okkar stjórn og í eigu Íslendinga. Hér eru nokkrir punktar sem ég legg áherslu á að skoða vel.

1. Fiskveiðar: Það er alveg ljóst að ef að við gerumst aðilar þá munu erlendar þjóðir fá að veiða í okkar lögsögu, á einhvern hátt. Ég segi að ein af okkar skilmálum gæti verið að þau skip sem veiða í Íslenskri lögsögu verði að gera út frá Íslenskri höfn, kaupi olíu og vistir og landi hér á landi og í gegnum fiskmarkaði. Með þessu móti getum við haldið inn í landinu tekjum af slíkum veiðum.

2. Fjármála og eftirlitsstofnanir: Í dag erum við meira og minna að nota sömu reglugerðir og eftirlitsferla Evrópusambandsins í gegnum EES samningin, því tel ég að í þessu breytist ekki svo mikið. Við verðum samt að huga að atriðum sem snúa að sértækum reglum og ferlum fyrir okkar litla hagkerfi.

3. Atvinnuvegir og vinnumarkaður: Eins og flestir vita þá er í dag frjálst val fyrir ESB íbúa að vinna innan ESB og EES, þetta höfum við fengið að reyna með miklum fjölda erlendra starfsmanna sem hingað hafa komið og unnið aðallega í virkjunar og byggingariðnaði. Þetta hefur reynst okkur í flesta staði vel og án mikilla vandræða. Ef við gögnum í ESB þá verðum við að gæta þess að allir þeir sem starfa á Íslandi fá sömu kjör og Íslendingar, án undantekninga.

4. Stjórnskipan: Þetta er liður sem ég á í hvað mestum vandræðum með að mynda mér skoðun á. Ég er tregur til að gefa eftir okkar sjálfstæði og dómsvald. Ég satt best verð að segja að ég þarf að skoða þetta betur til að geta gefið út skoðun mína. En ljóst er að ég ef mína efasemdir um þetta.

5. Utanríkismál: Ég segi að okkar skoðanir eigi alveg heima með skoðunum ESB í flestum atriðum, við erum friðarsinnar og styðjum friðargæslu og verndun lýðræðis og mannréttinda. En við erum aðilar að NATO og sá samningur á að standa. Við verðum líka að hafa óskorðað vald til að taka okkar eigin ákvarðanir er varðar utanríkis- og varnarmál.

6. Gjaldmiðill: Krónan er ekki svarið í óbreyttri mynd. Við verðum að taka skjótar ákvarðanir um þetta mál. Ef við ætlum inn í ESB þá liggur beint við að við tökum upp evru, en það yrði að finna leið til að gera það mjög hratt. Ég að vísu er alveg til í að skoða aðra möguleika er varðar nýjan gjaldmiðil eða tengingu við sterkan gjaldmiðil.

7. Auðlindir: Í eigu Íslendinga og undir okkar stjórn.Ég bindi miklar vonir við störf Evrópunefndar Sjálfstæðisflokksins og tel að þar sé vettvangur til að skoða alla þessa þætti með Sjálfstæðisstefnu að leiðarljósi. Ég vona að ég geti verið sáttur við þeirra tillögur og tekið ákvörðun í kjölfarið um mína lokaniðurstöðu varðandi ESB. 

Heimili og fjölskyldur.

Alveg er það ljóst að við erum öll í sömu sporum í dag, allir eru að bugast af íbúðarlánum, bílalánum og bankalánum sem hækka mánuð eftir mánuð, hvort sem er vegna verðtryggingar eða gengi á erlendum gjaldmiðlum. Þó að staðan sé eflaust verri hjá sumum þá finnum við öll fyrir þessu. Atvinnuleysi hefur aldrei verið meira á síðari tímum og hjá flestum okkar er þetta óþekkt staða.

 

Við verðum að finna lausn á vandræðum heimila í landinu. Margar leiðir eru færar en það er alveg á hreinu að róttækar aðgerða er þörf. Að mínu viti er allt upp á borðinu þegar að þessu kemur og það er skylda okkar að skoða kosti og galla á þessu vandamáli. Hér er mín skoðun á nokkrum atriði sem ég tel að við eigum að skoða með fullri alvöru:

 

1.      Verðtrygging: Afnema hana sem allra fyrst, það getur ekki annað verið en að það sé hagur okkar allra á endanum.

 

2.      Gjaldmiðill: Krónan hefur runnið sitt skeið í þeirri mynd sem við þekkjum, við eigum bara að sætta okkur við það. Ég vil skoða myntbandalag, fest gengi við sterkan gjaldmiðil og eða skipta yfir í nýjan gjaldmiðil. Innlendir og erlendir sérfræðingar hljóta að geta fundið lausn sem hentar Íslandi best.

 

3.      Íbúðarlán: Ég tel nokkrar leiðir færar í þessum vandræðum

a.       Greiðslujöfnun og lenging lána

b.      Niðurfærslur og afskriftir

c.       Vaxtalækkun og skatta ívilnun

d.      Færa höfuðstól og gengi aftur um ca. eitt ár og vinna svo út frá greiðslugetu heimila miðað við þær aðstæður.

 

4.      Vextir: Færa stýrivexti niður strax, og þá meina ég í takt við stýrivexti sem eru hjá þeim þjóðum sem við berum okkur gjarnan við. Einnig verða bankar og íbúðarlánasjóður að endurskoða sín vaxtaþrep. Það koma tíma seinna fyrir þessar stofnanir að hagnast, en núna verða þær að reka sig í takt við greiðslugetu okkar.

 

5.      Skattar: Ríkissjóður þarf að stilla sig inn á að ná inn tekjum á sanngjarnan hátt og nota skattaafslætti sem hjálpartæki þar sem neyðin er mest.

 

6.      Innheimtuaðgerðir: Göngum hægt um þessar dyr. Það er alveg ljóst að á endanum snýst málið um að finna leiðir fyrir skuldara að greiða af sínum skuldum, það hefst ekki með gengdarlausum kostnaði og álögum heldur eykur bara vandræðin. Kærleikur og sanngirni eru lykilatriði í öllum innheimtuaðgerðum framtíðarinnar.

 Atvinnulífið.

Án atvinnu getur engin tekið þátt í uppbyggingu og endurreisn. Ég tel að það grunnforsenda endurreisnar sé að koma hjólum atvinnulífsins í gang aftur og tryggja þar með atvinnu.

1.      Það er ljóst að ríkisbankarnir koma til með að eignast fjöldann allan af fyrirtækjum, því þarf að tryggja að lífvænleg fyrirtæki fái að lifa og að atvinna glatist ekki.

 

2.      Það er þekkt að á svona tímum er þjóðhagslega hagkvæmt að auka ríkisframkvæmdir. Af nægu er að taka í nýjum framkvæmdum og viðhaldi.

 

3.      Skynsamleg nýting á auðlindum er mikilvæg og tel ég að allar hugmyndir sé þess virði að skoða. Þó tel ég að umhverfis- og náttúrusjónarmið skuli vera í hávegum höfð.

 

4.      Efla nýsköpun og sprotafyrirtæki. Það er óendanlegur kraftur og hugmyndaauðgi sem býr með okkur Íslendingum, sagan sannar það. Því vill ég að ríki og fyrirtæki leggi góðum hugmyndum lið og tryggi þeim brautargengi.

 

5.      Vaxtaumhverfi og aðgangur að rekstrarfé er lykilatriði í að hjálpa fyrirtækjum í vanda. Mikilvægt er að endurfjármögnun bankastofnanna gangi hratt fyrir sig og að þeim fyrirtækjum sem eru lífvænleg sé hjálpað í gegnum þessa erfiðu tíma, með öllum tiltækum ráðum.

Heilbrigðis- og menntamál.

Oft er þörf en nú er nauðsyn. Þessi orð hafa aldrei í okkar sögu verið sannari. Við stöndum frammi fyrir auknu atvinnuleysi og því fylgir meira álag á heilbrigðiskerfið. Á undanförnum árum höfum við byggt upp eitt af betri heilbrigðiskerfum í  heiminum. Því er mikilvægt að slá ekki slöku við og tryggja áframhaldandi góða þjónustu til þeirra sem á henni þurfa að halda. Ég er hlynntur því að skoða aðkomu einkaaðila að vissum þáttum heilbrigðiskerfisins. Velferð þjóðarinnar er lykilatriði.

 

Íslendingar flykkjast í nám sem aldrei fyrr, atvinnuleysi spilar eflaust stóran þátt í því. Menntakerfi okkar er mjög gott, en betur má ef duga skal. Ég vill efla menntastofnanir og tryggja skólavist fyrir alla sem það vilja. Það er ávísun á trausta framtíð ef unga fólkið okkar menntar sig og þegar birtir til í efnahags- og viðskiptalífi þá þurfum við á þessu vel menntaða unga fólki. Eflum menntastofnanir frekar en að skera niður, það mun koma margfalt til baka.

Forvarnir og fræðsla.

Staða ungs fólks sem hafa misstigið sig er skelfileg, ráðaleysi foreldra er algert +i sumum tilvikum. Ég legg mikla áherslu á að ríki og sveitarfélög standi miklu betur að forvörnum og aðstoð þessa unga fólks.

 

Oft er talað um að það sé ekki til unglingavandamál, heldur bara foreldrabandamál. Það þarf að taka upp aukna foreldrafræðslu og með því undirbúa foreldra til að leiðbeina unga fólkinu áður en þau leiðist inn í harðan heim vímuefna og óreglu. Börnin okkar er framtíðin, hlúum að þeim og tökum ábyrgð á uppeldi þeirra og velferð.

Styðjum foreldra í uppeldi og forvörnum

Fréttir um sí aukin innbrot, aukna glæpatíðni, slagsmál ungmenna, fjölgun í vímuefnameðferð og hækkun á verði fíkniefna er eitthvað sem við ættum að hafa áhyggjur af. Það er vel þekkt að þegar kreppir af verður sundrung og óregla meiri í þjóðfélaginu. Áfengisdrykkja eykst, glæpir aukast og kostnaður ríkisins við geð- og heilbrigðismál aukast einnig. 

1. Við verðum að hlúa að barnafjölskyldum og passa að börn verði ekki úti í kuldanum á þessum erfiðu tímum. Það að börn fái ekki mat í skólum landsins eða geti ekki tekið virkan þátt í tómstundum eða líði illa inná heimili sínu sökum fjárhagsörðuleika foreldra er óásættanlegt.
2. Við verðum að leggja hart að því að komandi kynslóð alist ekki upp við öryggisleysi, sundrung og neikvæðni.
3. Það er kominn tími til að styðja við fjölskyldur. Rétta foreldrum hjálparhönd við að ala upp komandi þegna þessa lands.
4. Þó forvörn skuli fara fram í menntakerfi landsins þá sýna rannsóknir að forvörn sem börn og unglingar fá frá heimilum sínum í sínu daglega lífi sé sú allra mikilvægasta.
5. Við þurfum að virkja foreldra í forvarnarhlutverki sínu,við erum fyrirmynd barna okkar, þau læra það sem fyrir þeim er haft.
6. Iðulega er talað um “unglingavandamál” en ég held að við ættum að líta nær okkur og tala frekar um “foreldravandamál”.  Styðjum foreldra til jákvæðs og skilvirks uppeldis.