Námslán - frysta tekjutengda endurgreiðslu

Ég fékk ábendingu á frambjóðendafundi í Valhöll í gær er varðaði endurgreiðslu námslána og tillögur varðandi aðstoð til þeirra sem eru í fjárhagsvandræðum.

 

Það er nú einu sinni þannig að ungt fólk sem lokið hefur námi og er byrjað að greiða af námslánum sínum er í hópi þeirra sem hafa keypt sér húsnæði á síðustu árum, á þeim tíma sem húsnæðisverð var í hæstu hæðum og lánahlutfall allt að 100%. Í dag er þessi hópur í mjög slæmri stöðu, eignarstaða orðin neikvæð og lánin hækka og þá vinnur duglegt fólk bara meira ef það hefur tækifæri til. En endurgreiðsla námslána er tekjutengd svo þeir sem vinna meira til að ná endum saman þurfa þá að greiða meira af námslánum.

 

Ég er þeirra skoðunar að við verðum að horfa til þessa hóps með sértækar aðgerðir er varðar endurgreiðslu námslána, við megum ekki gleyma því að þessi hópur er hvað líklegastur til að flytja til útlanda ef ekkert er að gert. Mín tillaga er að tekjutengd endurgreiðsla á að vera fryst í a.m.k. 2 ár og einungis verði greidd fastagreiðsla einu sinni á ári. Með þessu erum við að koma til móts við þennan hóp fólks sem við verðum að treysta á að taki fullann þátt í þeirri endurreisn sem framundan er á Íslandi.

Athugasemdir

[Guðlaug Björgvinsdóttir (IP-tala skráð) 12.3.2009 kl. 13:58]

Blessaður Gylfi.

Þetta er jú það sem ég var að tala um. EN... námslánin hafa tvo greiðsludaga á ári. Sá fyrri var 1. mars og þar var um að ræða fastagreiðslu sem hækkaði um tæp 15.000 milli ára. Greiðslan var í fyrra um 85.000 en tæp 100.000 núna. Þessi hækkun er fáránleg! Ég vil ganga svo langt að frysta bæði fastagreiðsluna næstu tvö árin sem og tekjutengdu greiðsluna. Þetta á að vera valkostur fyrir fólk sem á í erfiðleikum. Sumir myndu eflaust vilja greiða áfram niður námslánin sín meðan aðrir þurfa sárlega á þessum peningum að halda og kysu að greiða niður húsnæðislánið sitt.

Umhverfið sem blasir við fólki í dag er mjög sérstakt og engin ein lausn eða leið hentar fyrir alla til að takast á við vandann. Sjálfstæðisflokkurinn þarf að tryggja það að til séu fjölbreytt úrræði sem henta ólíkum hópum samfélagsins og ólíkum vandamálum sem fólk glímir við. Mikilvægast er þó að reisa skjalborg um heimili fólks svo hver og einn viti hvar næturstaður hans er.

[Gylfi Þór Þórisson (IP-tala skráð) 12.3.2009 kl. 15:04]

Sæl, Já það er alveg rétt hjá þér að fjölbreitt úrræði er málið. Hver einstaklingur er að glíma við mismunandi vandamál.

[Gylfi Þór Þórisson, 12.3.2009 kl. 15:04]

Sæl, Já það er alveg rétt hjá þér að fjölbreitt úrræði er málið. Hver einstaklingur er að glíma við mismunandi vandamál.